Константин-Еленин шіркеуі-Ақмоладағы ең алғашқы православ шіркеуі. Шіркеу 1854-1856 жылдары жергілікті діни қызметкердің өтінішімен салынған. Шіркеу казак бекінісінің орталығында әскери қазына есебінен тұрғызылған. Шіркеудің құрылысын инженер-лейтенант Г.А.Воротников басқарған. Шіркеудің алғашқы уағыздаушысы, діни қызметкері Михаил Никольский болған.

1900 жылы ақмолалық казактардың бұйрығымен ғибадатхана ескі Ақмоланың алаңына көшіріліп, ол жерде осы күнге дейін сақталған. Архитектуралық сипаттамалары бойынша ғибадатхана жоспарға сәйкес бір крест тәрізді, бес басы бар, дұрыс крест түрінде жасалған. Ғимараттың ұзындығы 33 метр, ені 8 метр. Қазіргі уақытта ол сыланған және тас сияқты әсер береді.

1938 жылы шіркеу жабылып, крестер алынып тасталды, сонымен қатар қоңырау мұнарасы қиратылып, өлкетану мұражайына айналды. Шіркеу ғимаратында 1941-1942 жылдары Ақмолада құрылған 29-атқыштар дивизиясының жеке байланыс батальоны орналастырылған. 1942 жылы православиялық тұрғындар жергілікті биліктен ғимараттың бастапқы мәртебесін қайтарып алды.
Шіркеу Республика даңғылы 12 б мекенжайында орналасқан