Ағайынды Яушевтер пассажы 1902 жылы модерн стилінің ықпалымен салынды. Авторы белгісіз. Мұнда пассаж түрі бойынша Стахеевтердің ірі көпестік фирмасымен бірігіп қосылған, яғни сауда залдарының галереясы түрінде ұйымдастырылған «Ағайынды Яушевтер» сауда үйінің дүкені, сондай-ақ қойма мен сауда үйінің Кустанай бөлімшесінің басшысы Абдулвалей Яушевтің тұрғын апартаменттері болды. Павел Дмитриевич Исупов «Ағайынды Яушевтер» сауда үйінің басшысы болып қызмет етті.
1903 жылғы халық санағы бойынша ғимараттардың құны 12000 рубльге бағаланды. 1912 жылғы халық санағы бойынша пассаж құны 28000 рубльге дейін өсті. Осыдан Яушев пассажы көптеген жылдар бойы салынған деген қорытынды шығады.
Екіқабатты ғимарат әл-Фараби және Алтынсарин көшелерінің қиылысында орналасқан. Құрылыс кейінірек бірнеше рет шойтас іргетасында ағартылып сыланған кірпіштен жасалған.
2 қабаттың көлденең ұзындығы каннелюрі бар пиластерлермен 3 терезедегі бөліктерге бөлінеді. Қасбеті сатылы жақтаумен көмкерілген, ол ернеу астындағы мұнарамен және аркамен аяқталуған кішігірім аттиктермен жалғасқан. Аттиктер жарық пен көлеңкелердің өзіндік ойынын жасайтын медальондармен безендірілген. Терезе саңылаулары жасанды сәулелі аркалар – сандриктермен аяқталды. Бұл қарапайым декор ғимараттың көркемдігін, белгілі бір дәрежеде монументтілігін бейнелейді. Қорап күмбездері дулыға бейнелі, металл жаппамен «дойбы» түрінде төселген. Жабындының бұл түрі XIX-XX ғғ. басындағы шіркеулерге тән, бірақ «дойбы» түріндегі төсемнің үлгілері тұрғын үйлерде де кездеседі.
Ғимараттың биіктігі – 10 м. Жоспардағы өлшемдері – 38,4 х 58,4 м.

Қазір аталған ғимаратта Қостанай облыстық тарихи-өлкетану мұражайы орналасқан.